«Հայաստանում քաղաքական տհասնե՞րն են շատ, թե՞ դավաճանները»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ինձ հայտնի չէ՝ Հայաստանում քաղաքական տհասնե՞րն են շատ, թե՞ դավաճանները։ Համացանցում բացարձակ մեծամասնությունը օտարներին կամ նրանց հայաստանցի կամակատարներին են գովում է կամ փնովում։ Ոմանց համար Ռուսաստանը փրկիչ է, կամ՝ դավաճան, ոմանց համար՝ Ֆրանսիան է մեր բարեկամը, ոմանց համար՝ ԱՄՆ-ը , Եվրոպան։ Պետությունները չեն ունենում մշտական բարեկամներ կամ թշնամիներ, ունենում են մշտական շահեր,որոնց պաշտպանելու համար պետք է համագործակցել օտար պետությունների հետ։ Հայաստանի ողջ ունեցվածքը օտարներին ծախել եք,դուք էլ փայ մտել; Հետո որ էլ հանձնելու բան չկար, եկավ Արցախը հանձնելու հերթը։ Արցախը հանձնեցիք, հիմա էլ եկել է Հայաստանը մաս-մաս հանձնելու հերթը։ Ժողովրդին եք մեղադրում, լավ գիտենալով, որ ժողովուրդը սոցիալական տարբեր խմբերի, տարբեր շահեր ունեցողների հավաքածու է, որոնց առաջնորդել, միավորել է պետք։ Բա էլ ինչո՞ւ եք 100-ից ավել կուսակցություն ստեղծել։ Արցախը հանձնեցին, Հայաստանի սահմանամերձ տարածքները, Կիրանցի հողերը հանձնեցին, խորհրդանական կառավարման համակարգ ունեցող ԱԺ-ից անգամ մի պատգամավոր հրաժարական չտվեց»։