«Էսկալացիա կլինի, եթե ՀՀ-ն համարժեք գործողությունների դիմի»․ Արմեն Խաչատրյան

«Գյուղում խուճապ չկա, բնակիչները սովոր են արդեն, բայց անհանգստություն կա»,- լրագրողների հետ զրույցում ասաց ՔՊ պատգամավոր Արմեն Խաչատրյանը՝ անդրադառնալով գիշերը Խոզնավարի ուղղությամբ ադրբեջանական կրակոցներին։

«Ադրբեջանը ամեն ինչ անում է, որպեսզի անհանգստություն ստեղծի սահմանային հատվածում։ Այնպես չի, որ հայկական կողմը համարժեք գործողությունների դիմելու հնարավորություններ չունի, բայց այդ դեպքում կլինի էսկալացիա»,- նշեց պատգամավորը և ընդգծեց, որ ՀՀ կառավարության դիրքորոշումն այն է, որ ամեն կերպ պետք է հասնել խաղաղության պայմանագրին և էսկալացիոն գործողություններ թույլ չտալ։

«Եթե խաղաղության պայմանագիրը կնքվի, վստահ եմ, որ էլ չեն կրակելու»,- հավելեց նա։