Երեքշաբթի, 21 ապրիլի, 2026 թ.
|
Ստեփանակերտում`   +8 °C

«Նիկոլ Փաշինյանն Արցախի էջը վերջնականապես փակելու ակտը չպե՛տք է ստորագրի»․ «ՀայաՔվե»

«Նիկոլ Փաշինյանն Արցախի էջը վերջնականապես փակելու ակտը չպե՛տք է ստորագրի»․ «ՀայաՔվե»
202
Շաբաթ, 31 մայիսի, 2025 թ., 10:30

«ՀայաՔվե»-ի թելեգրամյան գրառումը․ «Արցախի նախկին պետնախարար, այժմ Բաքվի մեկուսարանում խոշտանգվող քաղբանտարկյալ Ռուբեն Վարդանյանի երբեմնի նախաձեռնությունը՝ 50 մլն դոլարի ներդրում անելու Արցախում, և նրա կոչը մնացած հայերին՝ մասնակցելու այդ ծրագրին, էապես նվազեցնելու էր ֆինանսական կախվածությունը Հայաստանից, և Արցախը ձեռք էր բերելու սուբյեկտայնության և ինքնուրույնության որոշակի աստիճան։

Ադրբեջանը երեսուն տարի է՝ ասում է, թե սա տարածքային վեճ է իր և Հայաստանի միջև, մինչդեռ այս դեպքում այն կզրկվեր Արցախի ինքնորոշման իրավունքը որպես տարածքային վեճ ներկայացնելու հնարավորությունից:

•Փաշինյանն Արցախի էջը վերջնականապես փակելու ակտը չպե՛տք է ստորագրի, նրան դա չպիտի թույլ տան նախևառաջ արցախցիները և առհասարակ համայն հայ ժողովուրդը, ապա և տարբեր աշխարհաքաղաքական կենտրոններ՝ ՌԴ-ն, Իրանը, և այլն։ Հայաստանի ճանաչել-չճանաչելուց չէ, որ Արցախի հարցը կփակվի կամ կմնա բաց»։

Աղբյուրը`   ՀայաՔվե