«Եկեղեցուն հարվածելով՝ իրենք իրենց են հարվածում»․ Միքայել Աջապահյան

«Եկեղեցուն հարվածելով՝ իրենք իրենց են հարվածում, ոչ թե Եկեղեցուն․ այն ճյուղը, որի վրա նստած են, սղոցում են»,- այս մասին «24Նյուզ»-ի հետ զրույցում նշեց Շիրակի թեմի առաջնորդ Միքայել արքեպիսկոպոս Աջապահյանը՝ պատասխանելով այն հարցին, թե ինչու Եկեղեցին վերջին հայտարարություններից հետո չի բանադրում Նիկոլ Փաշինյանին։

Աջապահյանն ընդգծեց, որ Հայ Առաքելական եկեղեցու համար ամեն մի հայի անուն-ազգանուն ունեցող մարդ արժեք է։

«Ինձ համար՝ որպես Միքայել արքեպիսկոպոս Աջապահյան, այդ անձը ոչ մի արժեք չունի այլևս։ Բայց երբ որ ես իբրև հոգևորական եմ մոտենում հարցին, ասում եմ, որ ինքը պետք է որ արժեք լինի․․․ Դուք մի՛ դրդեք Եկեղեցուն այն գործողություններին, որն ինքը երբեք չի արել իր անառակ, այլանդակ զավակների նկատմամբ»,- նշեց Աջապահյանը։