«Ո՛չ «չէ» են ասում, ո՛չ «հա», ինչն ամրապնդում է կարծիքը, որ իրենցից շատերն ունեն երեխաներ»․ Գևորգ Պապոյան

«Ինձ համար այդ հարցը կարևոր է․ կուսակրոնության ուխտը պահպանվե՞լ է, թե՞ չի պահպանվել»,- այս մասին լրագրողների հետ զրույցում նշեց էկոնոմիկայի նախարար Գևորգ Պապոյանը՝ անդրադառնալով Նիկոլ Փաշինյանի գրառումներին՝ ուղղված հայ բարձրաստիճան հոգևորականներին։

«Եթե չի պահպանվել, ինչպե՞ս ենք վարվելու։ Եթե պահպանվել է, թող կանգնեն՝ ասեն պահպանվել է։ Հարցը վարչապետի կողմից հնչել է՝ էդպե՞ս է, թե՞ էդպես չէ։ Տարբեր եպիսկոպոսներ, արքեպիսկոպոսներ ասում են՝ այդպիսի հարց չի կարելի տալ, բայց չեն ասում՝ այդպես չէ։ Իրենք ո՛չ «չէ» են ասում, ո՛չ «հա», ինչն ամրապնդում է այն կարծիքը, որ իրենցից շատերն, այնուամենայնիվ, ունեն երեխաներ»։