«Եթե մի 7 տարեկան երեխա գա, «մայր» հայհոյի, ականջները ոլորե՞մ․ սրանց պահվածքը դրան է նման»․ Միքայել Աջապահյան

«Ժամանակն է սթափվելու։ Ամեն տեսակ պատերազմ կարող եք հաղթել, բայց Եկեղեցու դեմ պատերազմը չեք հաղթի, չեք կարող հաղթել։ Իսկ ձեր նետած ձեռնոցը Եկեղեցին չի վերցնի»,- այս մասին «24Նյուզ»-ի հետ զրույցում նշեց ՀԱԵ Շիրակի թեմի առաջնորդ Միքայել արքեպիսկոպոս Աջապահյանը՝ անդրադառնալով վերջին շրջանում Հայ Առաքելական Եկեղեցու դեմ սկսված արշավին և հոգևորականների թիրախավորմանը։

«Հիմա ոնց որ մի 7 տարեկան երեխա գա «մայր» հայհոյի, ասենք թե իր հայրն է սովորեցրել, ասել է՝ գնա՛, Սրբազանին «մայր» հայհոյի, ես այդ 7 տարեկան երեխային ի՞նչ պետք է անեմ, բռնեմ ականջները ոլորե՞մ, թե՞ պետք է ասեմ՝ հո՛րը կանչեք։ Հիմա սրանց պահվածքը դրան է նման։ Իրենց լարել են սեփական հոր, սեփական մոր դեմ, ելել են, հոխորտում են։ Բայց հո սեփական հայրն ու մայրն էլ չպիտի՞ ելնեն իրենց ոտքի տակ տան, երբ որ գիտեն, թե լարողն ով է, ցավոք»,- նշեց Աջապահյանը։