«Եկեղեցու դեմ հարձակումն այն «կարմիր գծերից» է, որը կարող է հանրությանը ոտքի հանել»․ Հրանտ Մելիք-Շահնազարյան

«Համոզված եմ՝ Եկեղեցու դեմ այս հարձակումն այն «կարմիր գծերից» է, որը կարող է հանրությանը ոտքի հանել և ստիպել դավաճան իշխանությանը՝ հետ կանգնել ազգային արժեքների, հավատքի ու Եկեղեցու դեմ հարձակումներից»,- այս մասին լրագրողների հետ զրույցում նշեց քաղաքագետ Հրանտ Մելիք-Շահնազարյանը՝ հավելելով, որ իրականացվում է ազգային դիմադրողականությունը կոտրելու քաղաքականություն։

«Խնդիրը հոգևորականների կուսակրոնության հարցը չէ․ Փաշինյանը առիթներ է հորինում, փնտրում թույլ կետեր և հարվածներ է փորձում հասցնել»,- նշեց քաղաքագետը։

Նրա դիտարկմամբ՝ քաղաքացիական պատերազմի վտանգ չկա․ «Փաշինյանի կողմնակիցների ձայնը բարձր է թվում, որովհետև կա տեխնոլոգիաների կիրառում»։