«Ընդդիմադիր դաշտը ցույց տվեց իր ուժը՝ ընդդեմ Նիկոլի սրբապղծության»․ Նաիրի Հոխիկյան

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ ««Զվարթնոց» օդանավակայանում Ամենայն Հայոց Վեհափառին դիմավորելու և զորավիգ լինելու նախաձեռնությունը ՈՒԺԻ ՑՈՒՑԱԴՐՈՒԹՅՈՒՆ էր ընդդիմադիր դաշտի կողմից՝ ընդդեմ Նիկոլի սրբապղծության։
Դա մեզ հաջողվեց, ինչի շնորհիվ, կարծում եմ, Նիկոլի հետագա քայլերը ավելի կմեղմանան կամ գոնե նրա կողքին կպակասեն պիղծերը։
Իսկ թե ով, ինչպես կազմակերպեց Վեհափառին դիմավորելը, ում մտքում դա առաջացավ, առաջինը ով հայտարարեց, ով ինչքան մարդ բերեց, երկրորդական ու անկարևոր հարցեր են, ինչը ամոթալի է որոշ քաղաքական ուժերի համար։
Օդանավակայանում հայ ժողովրդի հավատավոր մի քանի հազար մարդ էր, ովքեր եկել էին իրենց սրտի ու հոգու կանչով՝ Վեհափառին ու Եկեղեցուն աջակցելու։
Առաջիկայում կլինեն այլ նմանատիպ նախաձեռնություններ ևս»։