«Հույս ունեմ, որ ինչ-որ փուլում կոնսենսուսը կկայանա»․ Տիգրան Աբրահամյան

«Երեկ խոսել ենք «Հայաստան» խմբակցության մեր գործընկերների հետ։ Կան հարցեր, որոնց հետ կապված մոտեցումները տարբեր է եղել, բայց ես չեմ կարծում, որ իրավիճակը այնպիսինն է, որ ընդհանուր եզրեր գտնելու հնարավորությունը սպառված է, հատկապես, երբ «Հայաստան» խմբակցությունում կան մեծ թվով մարդիկ, ովքեր իրականում գիտակցում են երկրում ստեղծված իրավիճակը», - լրագրողների հետ զրույցում հայտնեց ԱԺ «Պատիվ ունեմ» խմբակցության քարտուղար Տիգրան Աբրահամյանը։

Նա նշեց, որ իրավիճակը, որ երեկվանից հետո է առաջացել, իր կողմից այդքան էլ ընկալելի չէ։ «Բայց ես հույս ունեմ, որ մեկ է մի փուլում, մի կետում կոնսենսուսը պետք է կայանա, որովհետև ուղղակի տրամաբանական չի լինի։ Քաղաքականությունը այնպիսինն է, որ ինքը ենթադրում է ճկունություն, հատկապես երբ որ դու առնչվում ես մարդկանց հետ, որոնց հետ ունես որոշակի անցած ճանապարհ, և դա ինձ հույս է տալիս, որ ինչ-որ փուլում կոնսենսուսը կկայանա, և իրար հասկանալու հետ կապված խնդիր այլևս չի լինի»,- ընդգծեց Աբրահամյանը։