Սուրեն Պապիկյանը վատառողջ է․ չի մասնակցում աղմկահարույց նախագծի քննարկմանը

ԱԺ պաշտպանության և անվտանգության հանձնաժողովում քննարկվում է ՔՊ-ական պատգամավոր Հայկ Սարգսյանի առաջարկած՝ «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու մասին նախագիծը, որը մեծ աղմուկ է բարձրացրել՝ ստանալով «գումարի դիմաց բանակում քիչ ծառայելու կամ ազատվելու» անվանումը։

Նախագծի քննարկմանը ՊՆ-ից ներկա է փոխնախարար Արման Սարգսյանը։ Ի պատասխան ընդդիմադիր պատգամավորների դիտարկմանը, թե ինչու ՊՆ նախարար Սուրեն Պապիկյանը ներկա չէ՝ հանձնաժողովի նախագահ Անդրանիկ Քոչարյանը պատասխանեց․ «Վերջին շրջանում պաշտպանության նախարարը վատառողջ է, առողջական խնդիրը սուր էր»։