«Այս պահին որևէ մտահոգիչ տվյալ չունեմ»․ Արման Սարգսյան

«Սահմանում իրավիճակը հարաբերականորեն կայուն է, և այս պահին որևէ մտահոգիչ տվյալ ես չունեմ»,- լրագրողների հետ զրույցում ասաց ՀՀ Պաշտպանության փոխնախարար Արման Սարգսյանը։

«Իրանի հետ կապված իրավիճակը մեզ չի՞ անհանգստացնում, ՊՆ-ն գնահատե՞լ է հարձակման հնարավորությունը Սյունիքի վրա» հարցին Սարգսյանը պատասխանեց․ «Բնականաբար, տարածաշրջանում յուրաքանչյուր էսկալացիա պետք է անհանգստություն պատճառի բոլորիս, բայց ՊՆ-ն իրադարձություններին հետևում է։ ՀՀ-ն պաշտպանվելու է իր հնարավորությունների, կարողությունների, ամբողջ ներուժի չափով, եթե դրա կարիքը լինի։ Սակայն ՀՀ-ն պետք է ամեն ինչ անի քաղաքական առումով, որպեսզի տարածաշրջանում էսկալացիոն դեպքեր չլինեն»։