«Ինչո՞ւ է վարչախումբը թեժացնում իր հարձակումը Հայոց եկեղեցու վրա»․ «ՀայաՔվե»

«ՀայաՔվե»-ի թելեգրամյան գրառումը․ «Ինչո՞ւ է վարչախումբը թեժացնում իր հարձակումը Հայոց եկեղեցու վրա։

•Այժմ Հայոց եկեղեցին մնացել է ժողովրդի համակրանքը վայելող, բարձր վարկանիշ ունեցող այն ազգային հաստատությունը, որը դիմադրում է Հայաստանի կապիտուլյացիային, մի ընթացք, որը չի բխում Իլհամ Ալիևի, Նիկոլ Փաշինյանի և Ռեջեփ Էրդողանի շահերից։

Հայոց եկեղեցին ամուր կանգնած է Արցախի, արցախցիների անվտանգ և արժանապատիվ վերադարձի, ինչպես նաև Արցախի հայկական մշակութային ժառանգության պահպանության և պաշտպանության հարցերը միջազգային քննարկումների օրակարգ բերելու դիրքերում։ Սա խիստ վտանգավոր է Ալիևի համար, որն ուզում է, որ գերեզմանվի, փակվի Արցախի հարցն ընդհանրապես։

Սա նաև Նիկոլ Փաշինյանի համար է խիստ անցանկալի օրակարգ, որովհետև նրան իշխանության պահելու և աջակցելու հարցերում թուրք-ադրբեջանական տանդեմի կարևորագույն նախապայմաններից մեկն Արցախի հարցը մեկընդմիշտ փակելն է»։