«Հետաքրքիր է նաև Իրանի քրդական ռեսուրսներում կատարվողը»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Հետաքրքիր է նաև Իրանի քրդական ռեսուրսներում կատարվողը։ Երեկվանից այստեղ լուրջ ակտիվություն կա, ընդ որում՝ իրար հակասող։
Ուրեմն՝ քրդական խմբավորումներից ոմանք սատարում են Իրանի կենտրոնական իշխանություններին հանուն քրդերի անվտանգության, իսկ ահա մյուս մասը աջակցում է իսրայելական հարվածներին։
Մասնավորապես՝ Քրդստանի ազատության կուսակցության առաջնորդներից Հուսեյն Յազդանփալային վերագրվող հայտարարություն է տարածվել «Ձայն Քուրդիստանի» հարթակի միջոցով, որում մասնավորապես ասվում է.
«Արևելյան Քուրդիստանի քաղաքները շուտով կազատվեն»:
Քրդական գործոնի ակտիվության ֆոնին լուրեր կան նաև այն մասին, որ PKK-ի զինաթափման հայտարարությունից հետո իրանական, սիրիական և իրաքյան քրդական խմբավորումներին են փոխանցվել PKK-ի ունեցած սպառազինության մի մասը։
Իսրայելը փորձում է Իրանի դեմ կիրառել հյուծման և մասնատման սցենար՝ ներքին խժդժություններ հրահրելու միջոցով։ Հետաքրքիրն այն է, որ այս անգամ էլ հնարավոր է, որ առաջին գործիքը հենց քրդերը կդառնան, ինչպես Իրաքում, Սիրիայում և Թուրքիայում»։