«Լևոն Քոչարյանին և Իշխան Սաղաթելյանին ասեք՝ վերադառնան դահլիճ, իրենց բան չի լինի այստեղ»․ Ալեն Սիմոնյան

ՀՀ ԱԺ նախագահ Ալեն Սիմոնյանն արձագանքելով ընդդիմադիր պատգամավորների ելույթներին ասաց, որ որևէ մեկը Եկեղեցու հետ, հավատքի հետ խնդիր չունի․ «Հավասարություն դնել Եկեղեցու և Կտրիճ Ներսիսյանի կամ քեռակնոջ միջև՝ անարդար բաներ են: Եկեղեցում կան շատ պարկեշտ մարդիկ, բայց այդ մարդիկ հիմա գերու կարգավիճակում են: Եկեղեցու դեմ որևէ մեկը չի պայքարում, Հայ Առաքելական Սուրբ եկեղեցին մեր բոլորի եկեղեցին է, և դրանում կասկած չկա, բայց այն մարդիկ, որոնք արատավորում են, պետք է հեռանան, ես ևս վստահ եմ, որ իրենք հեռանալու են»,- ասաց Սիմոնյանը:

Նա, անդրադառնալով բանակի վերաբերյալ ելույթներին, հիշեց իր ծառայության տարիները․ «Սոված զինծառայողները ստիպված էին գիշերը գնալ ուտելիք հայթայթելու։ Իսկ խմելու ջրի ու լողանալու մասին ընդհանրապես չեմ խոսում: Ո՞ւր են այդ դոլարային միլիոնատերերը, թող գան ինձ պատասխան տան: Ուր է այդ «Հայր մեր»-ը չիմացող մարդը, որ մեծ-մեծ փրթում է»,- ասաց Սիմոնյանը, ապա խոսքն ուղղեց դահլիճից բացակայող Լևոն Քոչարյանին և Իշխան Սաղաթելյանին՝ նրանց հորդորելով վերադառնալ դահլիճ․ «Իրենց այստեղ բան չի լինի, թող վերադառնան, ամոթ է, նիստերն ավարտվում են»։