«Մենք ոչ թե կորցրել ենք ԼՂ-ն, այլ գտել ենք ՀՀ-ն»․ Նիկոլ Փաշինյան

«Ոչ թե կորցրել ենք Լեռնային Ղարաբաղը, այլ գտել ենք Հայաստանի Հանրապետությունը»,- ԱԺ-ում իր եզրափակիչ ելույթում ասաց վարչապետ Նիկոլ Փաշինյանը։

«ՀՀ-ն երբեք միջազգային իրադրություններին և իրավիճակներին, տարածաշրջանային հնարավոր խնդիրներին այնքան պատրաստված չի եղել, ինչքան այսօր: Դրա ամենակարևոր արտահայտությունը խաղաղության գործընթացի դինամիկան է Ադրբեջանի հետ, Թուրքիայի հետ ակտիվ երկխոսության գործընթացն է․․․մեր միջազգային հեղինակության աներկբա և աննախադեպ բարձրացումը։ Հայաստանի վրայով բալիստիկ հրթիռներ չեն հռչում: Հայաստանի վրայով թռչում են օդանավեր այն քանակությամբ, որ Հայաստանի պատմության մեջ երբեք չեն թռել»,- ասաց Փաշինյանը:
Նշենք, որ նրա ելույթի ժամանակ դահլիճում միայն ՔՊ-ականպատգամավորներն էին։