«Փաշինյանը ձգտելու է հասնել նրան, որ Կարապետյանների ընտանիքը մտնի քաղաքականություն». Կարապետ Պողոսյան

Իրավապաշտպան Կարապետ Պողոսյանի ֆեյսբուքյան գրառումը. «Գործ սարքելու նուրբ արվեստը․
Սամվել Կարապետյանն իր խոսքում ասել էր՝ «Մենք էլ մեր ձևով ենք մասնակցելու», սակայն փաշինյանը «մասնակցություն» բառը շատ մանիպուլատիվ ձևով փոխեց միջամտություն և այն օգտագործեց պետության դեմ, որպես հանցանք որակելով։ Ի դեպ՝ շատ լրատվականներ հենց փաշինյանի շրջանառած բառը կիրառեցին։ Իսկ իրականում մասնակցել և միջամտել բառերը տարբեր են, թե՛ իրենց իմաստով և թե՛ կատարվելիք արարքի բնույթով։
Հետևաբար երկրի կառավարիչը, ինչպես միշտ, «փայլեց» իր՝ մարդկանց գլխին սարքելու, փակելու տաղանդով։
Այժմ ինքը ձգտելու է այլ բանի, կարողանա նախկին հաջողված փորձը կիրառելով՝ հասնել նրան, որ Կարապետյանների ընտանիքը ստիպված լինի մտնել քաղաքականություն, պատրաստվի հերթական ընտրությունների և գնա «կրելու»։ Ինչը հիանալի նվեր կլինի փաշինյանի, մեծ ողբերգություն՝ բոլորիս համար։
Սակայն, կարծում եմ Կարապետյանների ընտանիքը կդրսևորի լուրջ խոհեմություն, չի տրվի գայթակղությանը, իր ներուժը և կապերը կներդնի Հայաստանում այս պահին միակ և իրատեսական օրակարգին՝ իմպիչմենտին։
Յուրաքանչյուր վարկյանը՝ սրանց լինելու, մեծ վտանգ է բոլորիս համար, ինչն այլևս շատ շատերը զգացել են սեփական մաշկի վրա»: