«Փաշինյանական քարոզչամեքենայի ոճը՝ ատամները սրած հերքել, հետո հաստատել այն, ինչ հերքում էին». Հարութ Ուլոյան

Հրապարակախոս Հարութ Ուլոյանի ֆեյսբուքյան գրառումը. «Բա վերջին 2-3 տարին մարդկանց էշի տեղ դրած համոզում էիք, որ «տարածքային ամբողջականություն» ասված փաթեթը, որն իր մեջ ներառում ա Ադրբեջանի տարածքային ամբողջականությունն ու Արցախն Ադրբեջանի սահմաններում ճանաչելը, մեր կողմից ճանաչվել ա դեռևս 1991 թվականին:
Էլ ում ասես առաջին պլան չբերեցիք, որ էս թեզն ապացուցեր: Հիմա ձեր շեֆը կանգնած բացահայտորեն հայտարարում ա, որ ինքը ՀՀ առաջին ղեկավարն ա, ով ճանաչել ա «տարածքային ամբողջականության» փաթեթը՝ ներառյալ հարևանների տարածքային ամբողջականությունը: Ամերիկացի ու եվրոպացի չինովնիկները սրանից առաջ էլ էին ասել, որ Փաշինյանն առաջին հայ ղեկավարն ա, ով Ղարաբաղը ճանաչել ա Ադրբեջանի կազմում, բայց դա պրոպագանդիսներին չէր հետաքրքրում: Նրանք փութաջանորեն ապացուցում էին անապացուցելին. ամեն ինչ տեղի ա ունեցել 1991 թվականին և վե՛րջ:
Հը՞ն, էլի բան չուենք ասելու: Պատը գլխներիդ չեք ուզում տա՞լ: Իհարկե չեք ուզի: Վաղն էլ արդեն ներկայիս պրոպագանդան եք տանելու. Փաշինյանն ա առաջինը Հայաստանը ճանաչել և վե՛րջ:
Հ.Գ. Զգացե՞լ եք փաշինյանական քարոզչամեքենայի ոճը: Թեթևակի մի թեմա են շրջանառում, բոլորը սկսում են քննադատել, պրոպագանդան ատամները սրած հերքում ա. նման բան չի ասվել կամ, եթե ասվել ա, ապա դրա հիմքերը շատ ավելի վաղ են դրվել, հետո Փաշինյանը կանգնում, բացահայտ սեփականացնում ա այդ թեման ու բացահայտորեն հայտարարում ա էն, ինչ ամիսներով իր իսկ պրոպագանդան հերքում էր... Արդյունքում՝ արդեն ոչ մեկի ոտերին չի լինում ոչինչ»: