«Փաշինյանը լարված է, Էրդողանը որսացել է պահը, ճնշում է գործադրելու». Հովիկ Աղազարյան

«Փաշինյանը լարված է, որովհետև պետությունը կանգնած է կարևորագույն որոշումների ընդունման ճանապարհին, և ինքը այդ որոշումների ընդունման ճանապարհին մնացել է մենակ, որևէ մեկը չկա, որ իրեն խորհուրդ տա: Լարված է անկլավների պատճառով, լարված է ադրբեջանցի փախստականների վերադարձի, խաղաղության պայմանագրի պատճառով»,- «24Նյուզ»-ի եթերում ասաց ԱԺ պատգամավոր Հովիկ Աղազարյանը:

«Եթե ադրբեջանցիները գան՝ այստեղ ապրելու, Հայաստանը կվերանա: Կգան, խժդժություն կլինի, Թուրքիան դեսանտ կիջեցնի, զորքերը կմնան, և կսկսվի Հայաստանի «նախիջևանացման» գործընթացը»,- մտահոգություն հայտնեց Աղազարյանը և կոչ արեց վարչապետին նման համաձայնությունների չգալ Թուրքիայում:

«Էրդողանը հենց այնպես չի հիմա կանչում Փաշինյանին: Անկասկած Թուրքիայում պահանջներ են դրվելու, Էրդողանը շատ լավ է որսացել պահը և ճնշում է գործադրելու, հուսանք՝ ճնշումներին կդիմանա վարչապետը»,- ընդգծեց Աղազարյանը: