«Նիկոլ Փաշինյանի ցանկություններն Անկարայի համար հիմնավոր պատճառ չեն»․ Սուրեն Սուրենյանց
![]() 191 Շաբաթ, 21 հունիսի, 2025 թ., 16:48 Քաղաքագետ Սուրեն Սուրենյանցի թելեգրամյան գրառումը․ «Ստամբուլում տեղի ունեցած Էրդողան- Փաշինյան հանդիպումն, անշուշտ, պատմականություն ունի: Սակայն ես չէի շտապի այդ պատմականությունն անպայման դրական գնահատել, մանավանդ, որ Փաշինյանի ակնկալիքները, դատելով թուրքական մամուլի արձագանքներից, չեն արդարացնել: Իրանի վրա Իսրայելի հարձակումը որոշակի սառնություն կարող էր առաջացնել Թուրքիայի և Ադրբեջանի հարաբերություններում. այս երկու երկրներն, այնուամենայնիվ, տարբերվող վերաբերմունք ունեն Իսրայելի և Իրանի հանդեպ: Եվ ուրեմն, Փաշինյանին կարող էր թվալ, թե կարող է խաղալ այս հակասությունների վրա՝ որոշակի առաջընթաց արձանագրելով հայ-թուրքական հարաբերություններում կամ առնվազն՝ դրանք ազատել հայ-ադրբեջանական հարաբերությունների կապանքներից: Ըստ ամենայնի, Փաշինյանի այս ակնկալիքը չի արդարացել: Daily Sabah-ը և Anadolu-ն, օրինակ, նշում են, որ Թուրքիան շարունակում է կապել Հայաստանի հետ կարգավորումը Երևանի և Բաքվի միջև խաղաղության պայմանագրի առաջընթացի հետ: Ըստ Ekonomim պարբերականի՝ Թուրքիան փորձում է պահպանել հավասարակշռություն՝ միաժամանակ աջակցելով Ադրբեջանի շահերին և նպաստելով Հայաստան-Ադրբեջան խաղաղության հաստատմանը։ Մի խոսքով, Իսրայելի հանդեպ տարբերվող դիրքորոշումը չունի տարանջատող այն մասշտաբը, որ Անկարային ստիպի Հայաստանի նկատմամբ գնալ այնպիսի քայլերի, որոնք ճգնաժամ կարող են հարուցել Ադրբեջանի հետ հարաբերություններում: Սակայն այնպես չէ, որ միայն Բաքվի գործոնն է ազդում Անկարայի դիրքորոշման վրա: Հայ-թուրքական և հայ-ադրբեջանական հարաբերությունների փոխկապակցվածությունը Թուրքիայի պաշտոնական քաղաքականությունն է արդեն 30 տարի, ու Անկարան, առանց հիմնավոր պատճառների, չի գնա իր քաղաքականության վերանայմանը: Փաշինյանի ցանկություններն Անկարայի համար հիմնավոր պատճառ չեն»։ Աղբյուրը` Սուրեն Սուրենյանց |
«Կարմիր Խաչի միջազգային կոմիտեի Բաքվի ներկայացուցչության փակումը վտանգավոր է»․ Տիգրան Աբրահամյան
010:18««Դարպաս բացելը» ծախում են որպես հնարավորություն և ոչ որպես դավաճանություն ու վտանգ»․ Վլադիմիր Մարտիրոսյան
4810:06«Զգո՛ւյշ եղիր խոսքերիդ մեջ»․ Թրամփը՝ Մեդվեդևին
4710:00«Կանադան պատրաստվում է ճանաչել Պաղեստինը»․ Քարնի
10009:45Նոր կադրեր՝ Կիևի վրա գիշերվա հարձակումից (տեսանյութ)
12109:33Զոհեր և վիրավորներ՝ Կիևին հասցված հրթիռային հարվածի հետևանքով (տեսանյութ)
12409:21Տեղակալներ, խորհրդականներ, մարզային տնօրեններ. ո՞ւմ է Ռոմանոս Պետրոսյանն ազատել ՀԷՑ-ում զբաղեցրած պաշտոններից. «Ժողովուրդ»
15708:48«Ես Ռուսաստանի գուբեռնիան գերադասում եմ թուրքական վիալեթից». Լևոն Ջավախյանի բաց նամակն Ալեն Սիմոնյանին
28502:06