Չորեքշաբթի, 30 հուլիսի, 2025 թ.
|
Ստեփանակերտում`   +28 °C

«Իշխանությունը հոգեվարքի մեջ է․ հրավիրելով ոստիկանություն՝ փորձում են լռեցնել»․ Միհրան Մախսուդյան

«Իշխանությունը հոգեվարքի մեջ է․ հրավիրելով ոստիկանություն՝ փորձում են լռեցնել»․ Միհրան Մախսուդյան
319
Շաբաթ, 21 հունիսի, 2025 թ., 23:24

«Իշխանությունը հոգեվարքի մեջ է, սրա համար են բոլորին, այդ թվում՝ ինձ, հրավիրել ոստիկանություն»,- այս մասին «168»-ի հետ զրույցում նշել է պահեստազորի գնդապետ Միհրան Մախսուդյանը։ Հիշեցնենք, որ երեկ Երևանում ոստիկանների կողմից «ուժեղացված հսկողություն» իրականացնելու գործողության շրջանակներում նա ևս հրավիրվել էր ոստիկանության Տավուշի բաժին։

«Իշխանության այս գործողություններն ինձ չեն լռեցնելու, ինչպես խոսել եմ նախկինում, կխոսեմ նաև հիմա։ Այս մարդիկ իրենք իրենցից վախեցած են, որովհետև ինքս որևէ բան չեմ արել, հանգիստ ինձ համար տանն էի»,- նշեց Մախսուդյանը՝ հավելելով, որ ոստիկանական բաժանմունքում իրեն ճանաչում են, զրուցել են, որից հետո վերադարձել է տուն, որևէ կարգավիճակ չունի։

Ըստ նրա, իշխանության այս գործողությունները փորձ են՝ լռեցնելու ընդդիմադիր հայացք ունեցող անձանց։