«ՀԱԵ-ի նկատմամբ բոլոր հարձակումները տվել են հակառակ էֆեկտ». Վլադիմիր Մարտիրոսյան

Քաղաքագետ Վլադիմիր Մարտիրոսյանի ֆեյսբուքյան գրառումը. «Խորհուրդ նրան խորհուրդ տվողներին:
ՀԱԵ-ի նկատմամբ բոլոր հարձակումներն անարդյունք են և տվել են հակառակ էֆեկտ: Մարդիկ միայն Փաշինյանին ատելու ուժով և, ի հակառակ նրան, ավելի կոնսոլիդացել են ՀԱԵ-ի շուրջ՝ ի պաշպանություն, և դա ուրիշ պարագայում կարող էր նույնիսկ չլինել: Աշխատել է ոչ թե հավատավոր կամ կրոնական լինելու հանգամանքը, այլ ատելության և հակառակվելու հանգամանքը առ ձեր հաճախորդ:
Այսօր Հայաստանի բոլոր եկեղեցիները լինելու են լեփ-լեցուն: Եթե քձիբություն չեն արել և խորհրդատվության գումարը տվել են բավարար չափով, ապա կարող եք գոնե այսօր դաշտային կարճ աշխատանքներով մոնիտորինգ անել, թե ինչ հակառակ էֆեկտ են տվել տոտալ հարձակման անցնելու ձեր խորհուրդները: Դատելով նրանից, որ հարձակումների մարտավարության, ձևի և ոճի դիվերսիֆիկացիայի անհրաժեշտության խորհուրդ չեք տալիս, կարծում եմ, այնուամենայնիվ, քձիբություն են արել գումարի մասով:
Ամեն դեպքում պատկերը մեղմ ասած «վատն է» ձեր հաճախորդի համար: Ինքը, աղանդավորականները ու իրեն կից ամլացած բյուրոկրատիան մի կողմ, ողջ ժողովուրդը մի կողմ:
Նույնիսկ ԴՈԳ-ի ընտրազանգվածի հավաքարգրման գործընթացն եք ձախողել: Հայհոյախոսելու ձեր խորհուրդը ևս չի աշխատել: Ոչ մի էքսպրեսիա, ոչ մի նորարարություն չկա դրա մեջ և քաղաքական հայհոյախոսության հիմնադիր հայրի ոճաբանությանը նույնիսկ մոտ չէ և շատ մոխրագույն է նրա ֆոնին:
Մի խոսքով, գոնե մեկ խորհուրդ ես տամ ձեզ, դուք էլ՝ իրեն: Ասեք՝ թող բոլոր ստատուսները առ ՀԱԵ միանգամից թուրքերեն գրի և չտանջվի: Հաշվետվությունը, առ մեր թշնամիներ, ավելի բարձր ՕԳԳ կունենա»: