«Մենք մեր ձևով կպահանջենք արդարություն, և ճշմարտությունը մեր կողմն է»․ Կարեն Կարապետյան

Գործարար Սամվել Կարապետյանի որդին՝ Կարեն Կարապետյանը տեսաուղերձով դիմել է աշխարհի տարբեր ծայրերում ապրող հայրենակիցներին, ովքեր անտարբեր չեն արդարության և ողջամտության հանդեպ։

«․․․ Ես չեմ ուզում պոպուլիստ լինել, քանի որ մեր կառավարությունն առանց այն էլ լի է պոպուլիստներով, և չգիտեմ՝ նրանք դա դիտավորյալ են անում, թե պարզապես խելագար են։ Սակայն մեր ժողովրդի պառակտումն ինձ համար ակնհայտ է։ Պարտադիր չէ շատ կրոնասեր լինել, որպեսզի հարգես քո արմատներն ու արժեքները, և մեր եկեղեցին միշտ եղել է հաստատություն, որը միավորել է մեզ բոլորիս։

Միլիոնավոր հայեր՝ Ռուսաստանի, Ֆրանսիայի, Ամերիկայի, Լիբանանի և աշխարհի այլ մասերից եկած հայերը միշտ եղել են այս ազգի հոգին։ Եվ մարդկանց մի փոքր խումբ, որը փորձում է բաժանել մեր ազգը իրենց փոքրաթիվ կողմնակիցների և բոլոր մյուսների միջև՝ թույլ տվեք ասել, որ ես շատ, շատ հպարտ եմ լինել այդ «բոլորի» մեջ։ Ուրիշ ի՞նչ կարող եմ ասել․․․ Մենք մեր ձևով կպահանջենք արդարություն, և ճշմարտությունը մեր կողմն է։ Աստված օրհնի ձեզ բոլորիդ»,- իր ուղերձում նշել է Կարապետյանը։