«Ավելի կարևոր է այն, թե Սամվել Կարապետյանն ազատվելուց հետո ի՞նչ է անելու»․ Վահան Բաբայան

Ռեֆորմիստների կուսակցության նախագահ Վահան Բաբայանի ֆեյսբուքյան գրառումը․ «Առաջարկում եմ ՀՀ ԱԺ պատգամավորներին միջնորդություն ներկայացնել Սամվել Կարապետյանի ազատության համար։
Սամվել Կարապետյանը երկար չի մնա բանտարկված, վստահ եմ:
Եթե Սամվել Կարապետյանի նման բարերարը կարող է մի խոսքի համար հայտվել բանտում, ի՞նչ երաշխիք կա, որ յուրաքանչյուր քաղաքական գործիչ խոսք ասելու համար չի կարող հայտնվել ճաղերի հետևում: Սա այն պահն է, երբ յուրաքանչյուր գործիչ, ով վաղը ձայն է ուզելու ընտրողից, պետք է այսօր պատասխանի ու հստակ ասի իր վերաբերմունքը կատարվածի մասին:
Սամվել Կարապետյանը քաղաքական գործիչ չի, նա բարերար է և նա այնքան մեծ գործեր է արել Հայաստանի համար, որ տարիներ շարունակ վայելում է մարդկանց հարգանքը:
Առաջարկում եմ ՀՀ ԱԺ պատգամավորներին միջնորդել Սամվել Կարապետյանի ազատության համար և սկսել ստորագրել համապատասխան ձևաթղթի տակ: Սա որպես առաջարկ:
Բա էդ մանդատները ո՞ր օրվա համար են:
Անհավատալի է Սամվել Կարապետյանի բանտում երկար մնալը և կարևոր է, որ արդարությունը վերականգնվի և նա ազատ արձակվի, բայց ավելի կարևոր է իր ազատվելուց հետո նա ինչ է անելու:
Մնալու է և պայքարելու է, թե՞ վերադառնալու է ՌԴ: Կարծում եմ՝ այս հարցը բոլորին է այսօր հուզում»: