«Իրանը փորձում է լարվածությունը թուլացնել»․ Տիգրան Դավուդյան

Իրանագետ Տիգրան Դավուդյանի ֆեյսբուքյան գրառումը․ «Իրանն (ԻԻՀ) առայժմ շարունակում է կրակի կենտրոնացումը Իսրայելի վրա պահել։ Իմ կարծիքով ԻԻՀ-ն փորձում է լարվածությունը թուլացնել, որպեսզի ԱՄՆ-ին նոր միջամտության առիթ չտա։ Թեհրանը միջազգային համակրանքի կարիք ունի և այդ աշխատանքին լծվել է ԱԳ նախարար Արաղչին, որը Ժնևից հասավ Ստամբուլ, ապա Մոսկվա։ ՄԱԿ-ի Անվտանգության Խորհուրդը ևս ԻԻՀ-ի պահանջով արտահերթ նիստ հրավիրեց։ Պարսից ծոցի Հորմուզի ջրանցքը փակելը կամ ԱՄՆ թիրախներին հարվածելը սպառնալիք են, որոնք իրականություն չեն դառնա։ Իրանն այսօր ավելի քան երբեք Պարսից ծոցին հարող և հարևան արաբական երկրների կարեկցանքին պետք ունի»։