««Պայքարելու ենք»-ը հուսադրող չէ, նոր կարգախոս է պետք». Վազգեն Սաղաթելյան

«Իմնեմնիմի» փոդքասթի համահեղինակ Վազգեն Սաղաթելյանի ֆեյսբուքյան գրառումը. «Ամենայն հարգանքով Սամվել Կարապետյանի և իր թիմի հանդեպ, ամեն դեպքում չեմ կարող չնշել, որ «պայքարելու ենք»-ը, ըստ իս, շատ վատ կարգախոս ա: Թույլ ա ու անորոշ: Հասկանում եմ, որ այն ընտրվել է, քանի որ «Հաղթելու ենք»-ը ապականվել է պատերազմի ժամանակ, իսկ 21-ի ընտրություններից հետո «Կրելու ենք»-ը ևս դրական էմոցիաներ չի առաջացնում, սակայն «պայքարելու ենք»-ը ոչ մի նոր բան չասող ա, հուսադրող կամ տրամադրող չի՝ մի շարք պատճառներով: Նախ, ընդդիմադիր կեցվածք ունեցող մարդկանց մեծամասնությունն արդեն առնվազն 5 տարի ա պայքարում ա, ստեղ նոր բան չկա իրենց համար: Պայքարն ինքնամփոփ գործողություն չի ու ինքնին չի ենթադրում դրական արդյունք (ինչպես տեսնում ենք արդեն 7 տարի): Օրինակ՝ կարար լիներ «Չեք մարսելու»-ն, որը կնշանակեր և պայքար և ցանկալի արդյունք: «Գնալու եք»-ն էլ կարար լիներ տեսականորեն, մտքիս եկած առաջին տարբերակներն եմ ասում: Վստահ եմ, եթե բրեյնսթորմ արվի կրեատիվ մասնագետների շրջանակներում, կարա գտնվի իրավիճակին ավելի համապատասխան կարգախոս: Թե չէ, անկեղծ, պայքարը անըդհատ կա, մեկն ինձ մոտ արդեն 7 տարի, բայց էս տրամաչափի մարդու ներգրավումը կարծում եմ, պետք ա հետը բերի նոր բան, նոր էմոցիա, նոր հույս ու նպատակ, որը և կարտահայտի այդ նոր կարգախոսը»: