«Այս իշխանությանը պետք է հեռացնել խաղաղ անհնազանդությամբ»․ Հովհաննես Ավետիսյան

«Սա իշխանության կողմից կազմակերպված արշավ է՝ ընդդիմախոսների դեմ։ Մեղադրանքները, իմ համոզմամբ, կեղծ են ու հորինված։ Սա սկսել է Փաշինյանի՝ Թուրքիայում գտնվելու ժամանակ ու մեր գնահատականն այն էր, որ սա նախաձեռնվել է, քանի որ նա նոր զիջումների է պատրաստվում գնալ»,- դատարանի բակում լրագրողների հետ զրույցում ասաց Հանրային կառավարման մասնագետ Հովհաննես Ավետիսյանը։

«Այս իշխանությունը չի սպասարկում հայկական շահեր, պետք է հեռացնել՝ խաղաղ անհնազանդությամբ՝ առանց ծեծ ու ջարդի, առանց մեկին մյուսի դեմ հանելու»,- նշեց նա։

Հիշեցնենք՝ Բագրատ Սրբազանին մեղադրանք է ներկայացվել՝ ահաբեկչության, զանգվածային անկարգության, իշխանության բռնազավթման հոդվածներով: Այս մասին հայտնել էին նրա փաստաբանները՝ նշելով, որ կալանավորելու միջնորդություն է ներկայացվել։ Սրբազանն ու մյուս ձերբակալվածները տեղափոխվել են դատարան։