«Ահա ՔԿ-ի տարածած սենսացիոն «ահաբեկչական» իրեղեն ապացույցները». Գոհար Մելոյան

Սահմանադրագետ Գոհար Մելոյանի ֆեյսբուքյան գրառումը. «Կրակված փամփուշտները կամ արմատուրայով պլանը
2018 թվականից սկսած, ու հատկապես 44-օրյա պատերազմից հետո, կա մի պարզ ճշմարտություն՝ այս իշխանությունը միշտ ստում է։
Եթե նրանք ասում են՝ «հաղթում ենք», ուրեմն՝ «պարտվում ենք»,
Եթե նրանք ասում են՝ «խաղաղություն», ապա՝ «պատերազմ է»,
Եթե նրանք ասում են՝ «արժանապատիվ խաղաղություն», ապա՝ «ստորացված կապիտուլացիա»։
Եթե այս իշխանության ներկայացուցիչները համակարգված ասում են, որ ինչ-որ մի բան սպիտակ է, ապա դա սև է։
Բագրատ Գալստանյանը եղել է այս իշխանության դեմ պայքարող ամենամեծաքանակ ու երկարատև շարժման առաջնորդը, ու իր խոսույթը խարսխված է եղել հենց հաշտության ու համերաշխության վրա։
Յուրաքանչյուրս, համոզված եմ, այդ թվում՝ իրավապահ մարմինները, ովքեր մոնիթորինգ են արել Սրբազան շարժումը, բազմաթիվ անգամներ արձանագրել են, թե ինչպես է Սրբազանը խաղաղեցնում կամ հաշտեցնում լարված իրավիճակները։
Առավոտվանից իրավապահ մարմինները խուզարկություն են իրականացրել և բերման ենթարկել տասնյակ ընդդիմադիր գործիչների, այդ թվում՝ Սրբազանին: Քննչական կոմիտեի ծավալուն հաղորդագրությունից ակնհայտ է, որ առաջադրելու են ծանր մեղադրանքներ:
Ուժ ու բռնություն կիրառողը տասնյակ հազարավորների աջակցության պայմաններում կօգտվեր իրավիճակից:
Ահա վերոգրյալի կապակցությամբ Քննչական կոմիտեի տարածած սենսացիոն «ահաբեկչական» իրեղեն ապացույցները.
Օրինական թույլտվությամբ որսորդական զենքը
Կրակված որսորդական փամփուշտները
Գունաներկերը
«Կասետը» և հրավառությունը
Արմատուրայի օրինակների տեսականին (սա ամենակասկածելի տեսքովն էր)»: