«ՔՊ-ն տապալեց Վաղարշապատ համայնքի ղեկավարի ընտրության հարցը»․ Սևակ Խաչատրյան

Էջմիածնի ավագանու ընդդիմադիր «Էջմիածին» խմբակցության ղեկավար Սևակ Խաչատրյանի ֆեյսբուքյան գրառումը․ «Ինչպես նախկինում տեղեկացրել էինք, այսօր, ժամը 15:00 Վաղարշապատ համայնքի ավագանու արտահերթ նիստ պիտի կայանար ավագանու մեկ երրորդի պահանջով...
Նիստի օրակարգում նախատեսվում էր համայնքի ղեկավարի ընտրության հարցը, սակայն քպ-ական ավագանին, կուսակցության ղեկավարների հստակ ցուցումով չներկայացավ, այդպիսով տապալելով համայնքի ղեկավարի ընտրության հարցը...
Թերևս այս անպատասխանատու վարքագծի պատասխանը կտա Վաղարշապատ խոշորացված համայնքի բնակիչը, սպասվող, արդեն ընտրական գործընթացում:
Իշխանությունը, որ կորցրել է վստահության վերջին նշույլը, նույնիսկ չունենալով թեկնածու Վաղարշապատ համայնքում, ստիպված են գնալ խոշորացման ծրագրով, հույս տածելով՝ ստանալու են Խոյ համայնքի բնակիչների ձայները: Այս պահից համարում ենք ընտրապայքարի մեկնարկը սկսված, որն ավարտելու ենք Վաղարշապատ, արդեն նոր, խոշորացված համայնքի կառավարումը ստանձնելով...
Մարտահրավերն ընդունված է, իսկ մեր թիմի հաղթանակը՝ անկասելի...»։