«Նիկոլ Փաշինյանը երկրում հրահրում է քաղաքացիական պատերազմ»․ Լևոն Զուրաբյան

«Նիկոլ Փաշինյանը, ըստ էության, երկրում հրահրում է քաղաքացիական պատերազմ՝ սկսելով հարձակումներ Հայ Առաքելական Եկեղեցու վրա, իրականացնելով բացարձակապես ապօրինի հարձակումներ և հետապնդումներ, այդ թվում նաև Սամվել Կարապետյանի նկատմամբ»,- այս մասին «Ֆակտոր»-ի հետ զրույցում ասաց Հայ ազգային կոնգրեսի փոխնախագահ Լևոն Զուրաբյանը։

«Չես կարող մեղադրանք կառուցել՝ հիմնվելով հետևյալ խոսքի վրա՝ մենք կպաշտպանենք Հայ Առաքելական Եկեղեցուն՝ մեր ձևով․․․ Օրենքը ինտերպրետացիաներ չի ընդունում։ Ասում են՝ մենք չենք հասկանո՞ւմ՝ դու ինչ ձև նկատի ունես։ Պարզ չէ՞, որ հեղաշրջում, բռնություն նկատի ունես, հիբրիդային պատերազմ նկատի ունես։ Սա օրենք չէ, սա հիվանդ երևակայություն կարող է լինել կամ առողջ երևակայություն, բայց միևնույն է, երևակայություն է։ Օրենքը նման բաներ չի հանդուրժում․․․ Նման մեղադրանքով հետապնդումներ սկսելը նշանակում է, որ գործ ունենք բռնակալի հետ, որը թքած ունի օրենքների և Սահմանադրության վրա»։