«Փաշինյանը կարող է կալանավորել Կաթողիկոսին և այն հոգևորականներին, ովքեր կըմբոստանան». Հենրիխ Դանիելյան

«Նիկոլ Փաշինյանը փորձում է կազմաքանդել Հայ Առաքելական Սուրբ Եկեղեցին, և միան ժողովրդի միասնականությամբ է հնարավոր դա թույլ չտալ»,- այս մասին «Եվրոմեդիա24»-ի հետ զրույցում նշեց ՀՀԿ երիտասարդական կազմակերպության ղեկավար Հենրիխ Դանիելյանը՝ անդրադառնալով Եկեղեցու և հոգևորականների շուրջ ստեղծված իրավիճակին։

«Երեկ մենք ականատես եղանք ռեպրեսիաների նոր ալիքի, որն արդեն հասել է եկեղեցականներին, արդեն 2–րդ հոգևորականն է կալանքի տակ գտնվում, և այս գործընթացը, որը սկսել է Նիկոլ Փաշինյանը, ավարտին է հասցնելու, եթե ժողովուրդն իր խոսքը չասի․․․ Պետք է ժողովուրդը և ազգային ուժերը ինպիչմենթի գործընթացն իրականացնեն, թե չէ Փաշինյանը ապազգային գործընթացը կհասցնի ավարտին ։
Անդրադառնալով հարցին, թե հնարավո՞ր է, որ այս ձերբակալություններով Փաշինյանը մեսիջ է ուղարկում Մայր Աթոռ առ այն, որ հաջորդը կարող է լինել Կաթողիկոսը, Դանիելյանը նշեց․ «Նիկոլ Փաշինյանը կարող է կալանավորել նաև Կաթողիկոսին, ինչպես նաև տասնյակ այլ սրբազանների, ովքեր կըմբոստանան։ Փաշինյանն առհասարակ կալանավորում է նրանց, ումից վտանգ է տեսնում՝ իր իշխանության կորստի առնչությամբ»։