«Դու ներողություն խնդրե՞լ ես․ հանրությունը ստիպված էր լսել խուլիգանական այդ արտահայտությունները»․ Ժաննա Ալեքսանյան

Իրավապաշտպան Ժաննա Ալեքսանյանը ֆեյսբուքյան էջում գրել է․ «Առաջարկում եմ հանրային կոնսենսուս ձեռքբերել, որ մի իքս ամսաթվից հանրային–քաղաքական–հրապարակային դաշտում հայհոյախոսությունը և հիբրիդային թիրախավորումը դադարեցնում ենք և անցնում բացառապես քաղաքակիրթ և հարգալից բանավեճի»։

Ի՞նչ հանրային կոնսենսուս, դու ներողություն խնդրե՞լ ես այդ նույն հանրությունից, որ հիմա կոնսենսուսի մասին ես խոսում, թե քեզ ամեն ինչ կարելի է, քեզ անօրեն ու անպատժելի ես հայտարարել։ Հանրությունը տևական ժամանակ ստիպված էր լսել խուլիգանական այդ արտահայտությունները և ամոթից գետինը մտնել, որ այդպիսի վարչապետ ունի, էլ չեմ խոսում այս օրերի մեր ունեցած ծանր զգացումների մասին։ Եվ ներողությունը պիտի լինի ոչ միայն հանրությունից, այլև ողջ հոգևոր դասից։ Ու դեռ չգիտեմ ներողությունը կօգնի ձեզ, թե ոչ»։