«Սա վտանգավոր արտահայտություն է․ ինքն իրավունք չունի տենց բան ասի»․ Հովիկ Աղազարյան

«Միքայել Աջապահյանն իր մերժման նամակում գրել է, որ բավարարված է իր հոգևոր ծառայությունից։ Սա վտանգավոր արտահայտություն է․ ինքն իրավունք չունի տենց բան ասի, քանի որ ինքն ինչ-որ դաշտ էր զբաղեցնում, մարդիկ ունեին համակրանք ու վստահություն իր նկատմամբ։ Այսինքն՝ դու անում ես էնպես, որ բավարարված զգա՞ս, թե՞ էնպես, որ ժողովրդին լավ լինի»,- 24TV-ի եթերում ասել է ԱԺ պատգամավոր Հովիկ Աղազարյանը՝ հավելելով, որ այդ քայլով Սրբազանը մեծ հարված է հասցրել եկեղեցուն և որ շուտով կաթողիկոսը ևս կձերբակալվի։

Հիշեցնենք՝ ԱԺ «Հայաստան» խմբակցությունը հայտարարել էր, որ, հաշվի առնելով Հայաստանյայց Առաքելական Սուրբ եկեղեցու և Միքայել Սրբազանի շուրջ ստեղծված իրավիճակն ու առկա հանրային համախմբումը, ինչպես նաև փաստը, որ պատգամավորներ Հովիկ Աղազարյանը և Հակոբ Ասլանյանն արդեն հայտարարել են Միքայել Աջապահյանի համաձայնության պարագայում վերջինիս թեկնածությամբ անվստահություն գործընթաց նախաձեռնելու մասին, հայտնում են, որ խմբակցության 28 պատգամավորների ստորագրություններով միանում են անվստահություն հայտնելու նախաձեռնությանը։ «Պատիվ ունեմ»-ը ևս պատրաստակամություն էր հայտնել ստորագրել Միքայել Աջապահյանի թեկնածությամբ վարչապետին անվստահություն հայտնելու գործընթացը՝ Վեհափառ Հայրապետի ու Սրբազանի համաձայնության պարագայում։

Այդ հայտարարությունից հետո Միքայել արքեպիսկոպոս Աջապահյանը խնդրել էր իր անունը չշահարկել վարչապետի թեկնածուների շարքում՝ նշելով, որ լիովին բավարարված է իր ծառայությունից որպես հոգևորական։