«ՀՀ-ում ձևավորվում է իրավիճակ, որը վտանգավոր նմանություններ ունի ՌԴ-ի հեղափոխական փուլի դրսևորումների հետ»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Այսօր Հայաստանում ձևավորվում է մի իրավիճակ, որը վտանգավոր նմանություններ ունի 108 տարի առաջ՝ Ռուսաստանի հեղափոխական փուլի քաղաքական և սոցիալ-տնտեսական դրսևորումների հետ։
Դրանք ներառում են համակարգային ռեֆորմների բացակայությունը, ունևոր դասի նկատմամբ պետական թշնամանքի քարոզչությունը, իրավական պատրանքի ներքո ունեցվածքի բռնազավթման փորձերը, ինչպես նաև նախկին իշխանությունների նկատմամբ իրավապահ գործիքակազմի իդեոլոգիզացված կիրառումը։
Պատմական փորձը վկայում է, որ երկրի ղեկավարության՝ իրականությունից կտրված լինելու հանգամանքը վաղ թե ուշ հանգեցնում է ներպետական լուրջ տուրբուլենտության, որն իր հետ բերում է քաղաքական, սոցիալական և անվտանգային էսկալացիա»։