«Նիկոլ Փաշինյանը ԱԺ ամբիոնից հրահանգ տվեց, դատախազն էլ կատարում է»․ Իշխան Սաղաթելյան

«Դասական քաղաքական հետապնդում է»,- անդրադառնալով Սեյրան Օհանյանին և Արծվիկ Մինասյանին առաջադրված մեղադրանքին լրագրողների հետ զրույցում ասաց «Հայաստան» խմբակցության պատգամավոր Իշխան Սաղաթելյանը։

«Դատախազն ասում է, որ Արծվիկ Մինասյանը չարաշահել է իր պաշտոնական դիրքը։ Մեկ օրվա նախարար է եղել, բայց խոսում են խմբային շահի մասին։ Դատախազը կատարում է Նիկոլ Փաշինյանի հրահանգը։ Շատ կոնկրետ՝ մի ամիս առաջ Նիկոլ Փաշինյանը ԱԺ դահլիճում հրահանգ տվեց դատախազին, և սա դրա հետևանքն է։ Ասաց՝ Սևանի ափին տուն ունեք, պետք է դատվեքմ դատախազն էլ կատարում է Փաշինյանի հրահանգը»,- ասաց Սաղաթելյանը՝ նշելով, որ Վարդապետյանը շարունակում է մնալ Նիկոլ Փաշինյանի օգնականը․ «Նա պետական շահերը պաշտպանելու փոխարեն պաշտպանում է բացառապես Նիկոլ Փաշինյանին և նրա իշխանությունը»,- ասաց Սաղաթելյանը։