«ՀԱՄԱՍ-ի՝ հրադադարի մասին պահանջն անընդունելի է»․ Նեթանյահու

Իսրայելի վարչապետ Բենիամին Նեթանյահուն «անընդունելի» է համարել արմատական ​​իսլամիստական ​​ՀԱՄԱՍ շարժման պահանջները՝ Գազայի հատվածում հրադադարի մասին համաձայնագրի նախագիծը փոխելու վերաբերյալ: Իսրայելի վարչապետը շաբաթ երեկոյան՝ հուլիսի 5-ին, հայտարարել է, որ իսրայելական պատվիրակություն կուղարկի Կատար, որտեղ հուլիսի 6-ին կկայանան Գազայի հատվածում հրադադարի և ՀԱՄԱՍ-ի կողմից պահվող իսրայելցի պատանդների ազատ արձակման վերաբերյալ նոր բանակցություններ:

Նեթանյահուն հուլիսի 7-ին կրկին կայցելի Վաշինգտոն, հաղորդում է AFP-ն՝ հավելելով, որ ԱՄՆ կառավարության կողմից աջակցվող հրադադարի առաջարկը, հավանաբար, կլինի այն հարցերից մեկը, որը նա կքննարկի նախագահ Դոնալդ Թրամփի հետ: