Երեքշաբթի, 08 հուլիսի, 2025 թ.
|
Ստեփանակերտում`   +17 °C

«Նիկոլին որպես գործիք ծառայող մարդիկ հատում են անդառնալիության սահմանը»․ Լիլիթ Բլեյան

«Նիկոլին որպես գործիք ծառայող մարդիկ հատում են անդառնալիության սահմանը»․ Լիլիթ Բլեյան
193
Երեկ, 23:42

Երգչուհի Լիլիթ Բլեյանի ֆեյսբուքյան գրառումը․ «Հունիսի 27-ին Մայր Աթոռի ասպատակումը և այսօր ազդարարված՝ Վեհարանի մոտալուտ գրոհը Նիկոլը փորձում է անել հայ ժողովրդի անունից։
Նա փորձում է բոլորիս՝ յուրաքանչյուրիս, մեղսակից դարձնել այս պատմական խայտառակությանը՝ անջնջելի խարան դնելով մեր ճակատներին։
Մեզ արդեն մեղսագրել են Արցախի շրջափակման լռությունն ու Արցախի հայաթափումը՝ այդ ամենն անելով հայ ժողովրդի իբր համաձայնությամբ։
Նա ամեն կերպ իր անձնական, բացառապես սեփական անձի պաշտպանության համար արվող այլանդակ գործողությունները փորձում է ներկայացնել հայ հասարակության, լայն ժողովրդի անունից։
Քո անունից, իմ լավ ընկեր։
Քո երեխայի անունից, իմ լավ բարեկամ։
Խոսե՛ք էս մասին։ Ասե՛ք, որ համաձայն չեք։ Մաքրե՛ք էդ խարանը ձեր վրայից։ Ձեր լռությամբ դուք համաձայնություն եք տալիս, դուք լեգիտիմացնում եք նրա գործողությունները։
Ձեր լռությամբ, և առավել ևս՝ նրա քարոզչական թեզերը կուլ տալով՝ դուք էդ խարանը ձեր ձեռքով դաջում եք ձեր ու ձեր երեխեքի ճակատներին։
Իսկ նրան որպես գործիք ծառայող մարդիկ արդեն հատում են անդառնալիության սահմանը։
Եվ սա ամենամեղմ տեքստն է, որ հնարավոր է էսօրվա մասին գրել»:

Աղբյուրը`   Լիլիթ Բլեյան