«Ժողովրդի զգայականի վրա եք աշխատում, մանիպուլացնում եք»․ Լևոն Քոչարյան

«Միջնորդագրում կա՞ որևէ փաստ, որը կհիմնավորի ձեր այն ասածը, թե գործողությունները պլանավորել են իրականացնել 2025 թվականի սեպտեմբերին»,- ԱԺ «Հայաստան» խմբակցության պատգամավոր Լևոն Քոչարյանը հարցն ուղղեց Գլխավոր դատախազ Աննա Վարդապետյանին, ով ԱԺ-ում ներկայացնում է ընդդիմադիր պատգամավոր Արթուր Սարգսյանին ազատությունից զրկելուն համաձայնություն տալու մասին միջնորդագիրը։ Լևոն Քոչարյանի հարցը վերաբերում էր դատախազի այն պնդմանը, թե «Սրբազան պայքար» շարժման անդամները, նրանց թվում պատգամավոր Արթուր Սարգսյանը, պլանավորել էին ենթադրյալ ահաբեկչությունն ու իշխանության զավթումն իրականացնել 2025 թվականի սեպտեմբերին։
Աննա Վարդապետյանը խոստացավ եզրափակիչ ելույթում ավելի մանրամասն անդրադառնալ հարցերին։
Լևոն Քոչարյանն իր արձագանքում նշեց, որ գործի մասով ներկայացվածը ժողովրդի զգայականի վրա աշխատելու համար է և մանիպուլացիա, հատկապես երբ խոսվում է հանցավոր խմբերի, աստղիկների միջոցով մեքենաների վնասման և այլ գործողությունների մասին։