Գառնիկ Դանիելյանը՝ Բագրատ Սրբազանի կեցավայրի վարձը վճարելու մասին

«Շրջանառվում է, որ դուք եք տվել Բագրատ Սրբազանի կեցավայրի վարձը: Այդպե՞ս է, թե՞ ոչ»,- պատասխանելով լրագրողի հարցին՝ պատգամավոր Գառնիկ Դանիելյանն այսպես պատասխանեց. «Մինչև պատգամավոր լինելը, ես զբաղվել եմ գործարարությամբ: Հարյուրավոր մարդկանց եմ օգնել, նույն արցախցի մեր հայրենակիցներին: Ես սրա մասին չէի խոսի, բայց քանի որ եկել է պահը, ասեմ՝ հազարավոր մարդկանց օգնել եմ: Ո՛չ ցուցակ հրապարակող եմ, ո՛չ անուն- ազգանուն տվող: Եթե էս թիրախավորումը չլիներ, չէի խոսի... Այս կամ այն անհատին օգնությունը վերագրել, որ ահաբեկչություն է, տխմարության, խելագարության աստիճանի մեղադրանք է»: Դիտարկմանը՝ ասում են՝ իմանալով, որ «ահաբեկչի» համար եք անում, արել եք, նշեց. «Էդ մարդիկ իմ ընկերներն են՝ Արթուրը Սարգսյանը, Սրբազանը, Իգորը Սարգսյան, Արան Ռոստոմյան: Եթե իրենք ահաբեկիչ են, ուրեմն ես էլ եմ ահաբեկիչ: Էդ մարդիկ ահաբեկիչ չեն եղել, անօրինական գործողություն չեն արել»: