«Նիկոլ Փաշինյանը ոչ թե ամաչում, այլ հպարտանում է սեփական ձախողումներով»․ Վիտալի Մանգասարյան

«Հենակետ» վերլուծական կենտրոնի ղեկավար Վիտալի Մանգասարյանի ֆեյսբուքյան գրառումը. «Մենք ապրում ենք մի իրականության մեջ, որտեղ վարչապետն արդեն ոչ թե ամաչում է սեփական ձախողումներից, այլ՝ հպարտանում է դրանցով։ Պատերազմը՝ հաղթանակ է, կորուստը՝ ձեռքբերում, խայտառակությունը՝ արտաքին քաղաքականություն։ Անամոթությունն արդեն պետական քաղաքականություն է։ Եվ ամենացավալին այն է, որ որոշ մարդկանց մոտ այն սկսում է համարվել նորմա։
Արդեն իսկ պարզ է, որ Փաշինյանի ռազմավարական նպատակը երբեք էլ պետություն կառուցելն ու ազգային շահերը պաշտպանելը չի եղել։ Նրա իրական նպատակը հնարավորինս շատ մարդ անամոթ դարձնելն է, քանի որ միայն անամոթ ժողովուրդը կարող է համակերպվել իր անարժան ղեկավարների հետ։
Ամոթի վերացումը համակարգային ձևով վերացնում է խղճի, պատասխանատվության, և արժեքների մնացորդները։ Այդպես քաղաքացու ներսում ձևավորվում է մի դատարկություն, որը կարելի է հեշտությամբ լցնել ցինիզմով, ագրեսիայով, միջին վիճակագրական քեռակնոջ նեքնազգեստով կամ ուղղակի անտարբերությամբ։
Հիմա փորձենք մի տրամաբանական հարցի պատասխանել:
Մնացե՞լ է արդյոք գեթ մի բան, որ այս իշխանության որոշ ներկայացուցիչներ՝ իհարկե Փաշինյանի գլխավորությամբ, կամաչեն անել։ Մտքիս ոչինչ չի գալիս։ Եթե կարող եք, խնդրում եմ օգնել:
Հ.Գ․ Եթե այս երկրում ինչ-որ բան դեռ պետք է փրկվի, ապա առաջին հերթին պետք է վերականգնվի ամոթի ինստիտուտը»։