«Նիկոլն էնքան է կրկնել, որ Առաքելական եկեղեցու հավատավոր հոտի մաս է, որ սկսել է դրան հավատալ»․ Սուրեն Սահակյան
136
Այսօր, 17:24
Հասարակական-քաղաքական գործիչ Սուրեն Սահակյանի ֆեյսբուքյան գրառումը․ «Մեր գործերը լավ չէին, լավ չեն ու լավ չեն լինի, քանի դեռ մենք չենք ուզում մեզ շրջապատող աշխարհի մասին կեղծ պատկերացումներից դուրս գալ։ Երբեմն մենք էնքան խորն ենք էդ կեղծիքի մեջ թաղված, որ ինքներս սկսում ենք դրան հավատալ ու պատրաստ ենք դրա պահպանման համար կենաց մահու պայքարի մեջ մտնել։ Երբեմն ճշմարտության մասին խոսելը լրացուցիչ քաջություն ա պահանջում և դրա համար թույլերը, վախերը չհաղթահարելով, մերժում են այն։ Ինձ թվում ա՝ Նիկոլն էնքան ա կրկնել, որ ինքը Առաքելական եկեղեցու հավատավոր հոտի մաս ա, որ ինքն էլ ա սկսել դրան հավատալ։ Նա նման ա էն տաքսիստին, որն ամեն եկեղեցի տեսնելուց ղեկը թողնում ու խաչակնքվում ա, իսկ հաջորդ պահին հաճախորդին իր ծառայությունների գնի հարցում խաբում։ ՈՒ դա, վստահաբար, նրա ամենօրյա գործելիք մեղքերից ամենաաննշանն ա։ Տարատեսակ հարցումներով Հայաստանի բնակչության 95+ տոկոսը Առաքելական եկեղեցու մոլի հետևորդ ա։ Բայց ես դժվարությամբ եմ պատկերացնում, որ ամեն եկեղեցի գնալուց ու մոմ վառելուց հետո մեկն իրոք ապաշխարհի և դադարի նույն մեղքերը գիտակցված կրկնել։ Լրիվ նորմալ երևույթ ա, որ միջին վիճակագրական «հավատավորը» եկեղեցուց հետ-հետ գնալով դուրս գա ու անմիջապես մերձավորին քցի, հերն անիծի։ Հայաստանը փոքր երկիր ա։ Էստեղ միջին վիճակագրական յուրաքանչյուրը եկեղեցում տիրող հոռի բարքերի մասին գիտի։ Միաժամանակ, երբ Նիկոլը դա բարձրաձայնում ա, լրիվ նորմալ ա դիտվում, որ նրան հակառակվելու համար ճշմարտությունը կոծկվի։ Նույն լրատվամիջոցը, որը բազմիցս գրել ա Վեհափառի ընտանիքի, նրա կենակցի, աղջկա մասին, հանրության դատին ներկայացրել նրանց պատմությունը, լուսանկարները, ներկայումս քաղաքական դրդապատճառներով ստի մեջ մեղադրի ու անարգանքի սյունին գամի դա բարձրաձայնողին։ Տենց ո՞նց կլինի։ Բանակը պետական ինստիտուտ ա, որի հետ հանրության մեծ մասն այս կամ այն կերպ առընչվել ա։ Մեզնից յուրաքանչյուրը անսխալ գիտեր՝ պատերազմի սրացման վերջին փուլին նախորդող տասնամյակներում բանակում ինչ էր կատարվում, ինչ բարքեր էին տիրում։ Բայց… Էս թեմաները, հակասություններըն անվերջ են։ Անվերջ էլ դրանց մասին կարելի ա գրել մի գրառման մեջ։ Գիտեմ՝ Նիկոլն ինչին կպնում ա, պղծում ա, քանդում ա, իսկ երբեմն՝ առանց վերականգնելու հույսի։ Վստահ եմ՝ եթե իրապես գոյություն ունեցող մեր խնդիրների մասին ավելի արդար մեկը խոսեր, «մեր» արձագանքն էլ այլ կլիներ։ Միաժամանակ, ինչ ա թե էդ հարցերին Նիկոլն ու ՔՊ-ն են անդրադառնում, սխալ ա պաշտպանել կեղծիքն ու սուտը, անադարությունն ու թալանը։ Որպեսզի շարունակենք ապրել ու զարգանալ, մենք պետք ա քաջություն ունենանք առերեսվել մեր կնճռոտ խնդիրների հետ։ Մենք պետք ա քաջություն ունենանք նաև ճիշտը խոսել դրանց մասին ու էդ խոսակցության մեջ գտնենք բոլոր լուծումները՝ Նիկոլի ավերը կանգնեցնելուց մինչև եկեղեցու բարենորոգումը։ Էն, որ նման խոսքը, գրառումը երկու կատաղի ճամբարների հարձակման թիրախ կդառնա, մեզ չպետք ա կանգնեցնի արդարությունն ու ճշմարտությունը ջատագովել»։
