«ԱՄՆ-ի լավատեսությունը կարող է պայմանավորված լինել նրանով, որ Ադրբեջանը փոխել է տրամադրվածությունը»․ Նորիկ Նորիկյան

«Արդար Հայաստան» կուսակցության նախագահ, փաստաբան Նորիկ Նորիկյանի ֆեյսբուքյան գրառումը․ «ԱՄՆ պետքարտուղար Մարկո Ռուբիոն Սպիտակ տանը նախագահ Թրամփի ներկայությամբ հույս է հայտնել, որ շատ շուտով խաղաղության համաձայնագիր կկնքվի Հայաստանի և Ադրբեջանի միջև։
Քիչ առաջ պաշտոնապես հաստատվեց, որ վաղը Հայաստանի և Ադրբեջանի միջև խաղաղության գործընթացի շրջանակում, Աբու Դաբիում տեղի կունենա Նիկոլ Փաշինյանի և Իլհամ Ալիևի երկկողմ հանդիպումը։
Միայն այն հանգամանքը, որ խաղաղության համաձայնագրի հնարավոր կնքման մասին տեղեկատվությունը նախապես անոնսավորվում է ԱՄՆ պետքարտուղարի կողմից, արդեն իսկ հավելյալ կարևորություն է հաղորդվում վաղը նախատեսված հանդիպմանը։
Սա նշանակում է, որ Փաշինյան-Ալիև հանդիպման նախապատրաստական աշխատանքների, հանդիպման օրակարգի ձևավորման ու հարցերի քննարկման ու լուծման գործընթացի վերաբերյալ ԱՄՆ-ն առնվազն իրազեկված է և ունի որոշակի լավատեսություն, որ այն կարող է հաջողությամբ պսակվել։
ԱՄՆ-ի լավատեսությունը կարող է պայմանավորված լինել այն հանգամանքով, որ Ադրբեջանը փոխել է տրամադրվածությունը և պատրաստ է ստորագրել պայմանագիրը, քանի որ Հայաստանը վերջին ամիսներին մշտապես հայտարարում է, որ ցանացած պահի պատարստ է ստորագրել այն։
Հակառակ դեպքում, եթե Ադրբեջանի պատկերացումներում որևէ փոփոխություն չկա, մնում է կռահել, թե ինչ լավատեսության մասին է խոսքը․․․»: