«Քննարկումները վերաբերում են Հայաստանին՝ առանց Հայաստանի ներկայության»․ Մետաքսե Հակոբյան

«ՀՀ իշխանությունը սեփական ժողովրդին պատերազմ է հայտարարել»,- լրագրողների հետ զրույցում ասաց Արցախի ԱԺ պատգամավոր Մետաքսե Հակոբյանը՝ անդրադառնալով վերջին կալանավորումներին։ Նրա խոսքով Փաշինյանը հիմա ավելի ագրեսիվ է, քանի որ «արտաքին քաղաքական դաշտում տեղի ունեցողը կարիք ունի ներքին կառավարման»։ «Ստեփանակերտում Թուրքիայի, Իրանի և Ադրբեջանի նախագահների հանդիպումը մեկ բան է փաստում․ տարածաշրջանային խնդիրների շուրջ քննարկումները տեղի են ունենում հայկական օկուպացված պետության մայրաքաղաքում և այդ քննարկումներն, ըստ էության, վերաբերում են Հայաստանին, և Հայաստանը ուղղակի ներկայացված չէ։ Ամեն ինչ փաստում է, որ արտաքին քաղաքականության մեջ որոշում կա, որը լավը չէ ՀՀ-ի համար և ՀՀ իշխանությունները այդ որոշման մեջ դերակատարում չունեն»։