«ԱՄՆ-ում Coca-Cola-ի բաղադրության մեջ բնական շաքար կօգտագործվի»․ Թրամփ

ԱՄՆ նախագահ Դոնալդ Թրամփը հայտարարել է, որ Coca-Cola-ն համաձայնել է ամերիկյան շուկայի համար արտադրվող ըմպելիքներում օգտագործել բնական շաքար։

«Ես բանակցություններ եմ վարել Coca-Cola-ի հետ ԱՄՆ-ում՝ Coca-Cola-ի բաղադրության մեջ իսկական շաքարեղեգի օգտագործման շուրջ, և նրանք համաձայնության են եկել։ Ուզում եմ շնորհակալություն հայտնել բոլոր նրանց, ովքեր նման որոշում են կայացրել», - գրել է Թրամփը իր Truth Social էջում։

Reuters-ի տվյալներով՝ Թրամփի վարչակազմի «Make America Healthy Again» նախաձեռնությունը կապված է առողջապահության նախարար Ռոբերտ Ֆ. Քենեդի կրտսերի կողմից աջակցվող առողջապահական շարժման հետ, որը ձգտում է փոխել սննդամթերքի բաղադրատոմսերը և վերացնել այնպիսի բաղադրիչներ, ինչպիսիք են արհեստական գունանյութերը։