«Վրաստանի ու Եվրոմիության հարաբերությունները շարունակում են լարվել»․ Արա Արայան

Վերլուծաբան Արա Արայանի ֆեյսբուքյան գրառումը․ «Վրաստանի ու Եվրոմիության հարաբերությունները շարունակվում են լարվել: Վրաց վարչապետը ասում է, որ եթե ընտրությունը լինի «խաղաղության» և առանց վիզների ԵՄ մուտքի միջև, իրենք կնախընտրեն խաղաղությունը:
Սա վրացական շանտաժ է, Վրաստանի խաղաղությունը առայժմ վտանգի տակ չէ, իսկ առանց վիզաների Շենգենյան գոտի մտնելու հնարավորությունից զրկվելու դեպքում, վրաց հասարակությունը կհայտնվի ծանր դեպրեսիայի մեջ:
Բայց սա ընդհամենը վրացական խնդիրների մի մասն է: Հայ-ադրբեջանական և հայ-թուրքական հարաբերությունների հնարավոր կարգավորումը Վրաստանի համար կվերածվի ավելի մեծ մղձավանջի, լուրջ խնդիր կդառնա երկրի ներքին անվտանգության և տնտեսական կայունության հարցերը, քաղաքացիական պատերազմի վերսկսումը, ինչու չէ նաև մասնատումը: Այժմ վրացիները ամեն կերպ փորձում են խոչնդոտել Եվրոմիության ներթափանցումը դեպի Հայաստան, առևտուր անել այդ հարցի շուրջ, սակայն ապարդյուն: Ամերիկացիներն էլ իրենց հերթին են սպառնում վրացական էլիտաներին, Բայդենի վարչակազմի հետ նորմալ հարաբերություններ ունենալ չստացվեց, Թրամփի հետ լեզու գտնել չի ստացվում: Մեծ հաշվով վրացիները բացի այս էժան շանտաժից, այլ խաղաքարտ չունեն և չեն էլ ունեցել, վրացիների միակ խաղաքարտը «հայկական ապուշությունն» էր: Հայ-թուրքական և հայ-ադրբեջանական սահմանների բացման հետևանքով Վրաստանը կզրկվի ողջ հայկական տրանզիտից, հայկական տուրիզմից: Անցած 20 տարվա Վրաստանի բոլոր հաջողությունները իրականություն դարձան մի միայն Հայաստանի տոտալ շրջափակման պատճառով: Ինչպես եղավ Թուրքիայում, իսկ հետո Ադրբեջանում, հայերի բացը Վրաստանում լրացրեցին տեղի հրեաները:
Դարձի գալու ժամանակն է, հայերի ներկայությունից Վրաստանը միշտ շահել է և էլի շահելու է: Եվ ոչ միայն Վրաստանը...
Հայկական տարրը անփոխարինելի է»։