«Ընդդիմությունը երբեք չի միավորվելու․ երեք պատճառ կա»․ Նաիրի Հոխիկյան

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ «Ընդդիմությունը չի միավորվելու երբեք։ Հանեք միավորման մասին այդ միամիտ մտքերը ձեր գլուխներից։
Ընդդիմությունը չի միավորվելու 3 պատճառով.
1. Ընդդիմադիր կուսակցություններից ամեն մեկն ունի իր ամբիցիաները և հոգեբանորեն պատրաստ չէ զոհել իր ԵՍ-ը հանուն ՄԵՆՔ-ի։ Նույնիսկ ամենափոքր՝ 5 հոգանոց կուսակցությունը վստահ է, որ հենց ինքն է միակ կարող ուժը իշխանություն լինելու, հետևաբար եթե միավորվել, ապա միայն իր շուրջը և իր օրակարգով։
2. Ընդդիմադիր կուսակցությունների մեծագույն մասը չունի օրակարգ և ծրագիր՝ հայտարարելով, թե կգանք իշխանության, մի բան կանենք։ Եթե չկա ծրագիր և օրակարգ, չի կարող լինել նաև միավորում։
3. Ընդդիմադիր կուսակցությունների մի մասը ստեղծվել է արտաքին որևէ երկրի շահերի սպասարկման համար, նույնկերպ, ինչպես Նիկոլի ՔՊ-ն։ Հետևաբար, բացառվում է, որ միավորվեն, ասենք, ԱՄՆ -ի և ՌԴ-ի շահերը սպասարկող կուսակցությունները, առավել ևս, արտաքին շահերը սպասարկողները միավորվեն ազգային ուժերի հետ։ Հնարավոր բան չէ։
ՀԱՐՑ. Բա ի՞նչ է լինելու։
Լինելու է այն, ծրագիր և օրակարգ ունեցող 2-3 ազգային ուժերը ավելի ակտիվ կաշխատեն և հանրային ամբողջ վստահությունը իրենց շուրջը կհամախմբեն՝ ԱԺ -ում միավորվելով ու կոալիցիոն կառավարություն կազմելով»։