«Ընդդիմադիրների բռնաճնշումները լեգիտիմացնելու համար հնարվել են այդ մեղադրանքները»․ Իշխան Սաղաթելյան

«Ընդդիմադիր դաշտում որքան լիեն իրական պայքարող քաղաքական ուժեր, այնքան Փաշինյանին հեռացնելու միջավայրն ավելի բարենպաստ կլինի»,- այսօր լրագրողների հետ զրույցում ասաց ԱԺ «Հայաստան» խմբակցության պատգամավոր, ՀՅԴ Հայաստանի ԳՄ ներկայացուցիչ Իշխան Սաղաթելյանը՝ հավելելով, որ «խանդով չեն վերաբերվում» Սամվել Կարապետյանի կողմից քաղաքական նոր ուժի ձևավորմանը։ «Ինչպիսի համագործակցություն կլինի՝ ժամանակը ցույց կտա»,- ասաց Սաղաթելյանը։
Անդրադառնալով վերջին շևջանի կալանավորումներին՝ Սաղաթելյանն ասաց․ «Նիկոլ Փաշինյանն ապագայի զիջումներն անփորձանք իրականացնելու համար վերացնում է դիմադրության օջախները՝ դրանով փորձելով կանխել հնարավոր փողոցային պայքարը։ Դրան զուգահեռ, իր ռեպրեսիաները, բռնությունները հիմնավորելու համար քաղաքական ուժերին ծանր մեղադրանք է վերագրում, օրինակ՝ ահաբեկչության նախապատրաստում։ Դրա համար որևէ հիմք չկա։ Ինքը, ընդամենը, այդ հոդվածները դնում է, որպեսզի միջազգային հարթակում ներկայացնելու համար։ Այսինքն՝ ընդդիմադիրներին բռնաճնշելու փորձերը լեգիտիմացնելու համար հորինել է նման մեղադրանք, որը փորձում է ընկալելի դարձնել միջազգային հանրության համար»,- ասաց Սաղաթելյանը։