«Երբ ՀՀ իշխանությունը փորձեց օրակարգից հանել Սյունիքով անցնող ճանապարհի հարցը, եկավ Արցախի բլոկադան»․ Գեղամ Մանուկյան

«Նոյեմբերի 9-ի փաստաթուղթը որքան էլ կապիտուլացիոն էր, անընդունելի էր, այնտեղ Լաչինով Արցախի ու Հայաստանի անխափան կապի հնարավորություն կար»,- «24Նյուզ»-ի եթերում ասաց ԱԺ «Հայաստան» խմբակցության պատգամավոր Գեղամ Մանուկյանը՝ նշելով նաև, որ երբ ՀՀ իշխանությունը փորձեց օրակարագից հանել փաստաթղթում առկա՝ Ադրբեջան-Նախիջևան կոմունիկացիայի հարցը, եկավ Արցախի բլոկադան, քանի որ տրամաբանության մեջ այդ կոմունիկացիան և Լաչինի միջանցքը փոխլրացնող էին։
Գեղամ Մանուկյանի խոսքով այսօր սահուն կերպով «միջանցք» բառի դարձնում են ընդունելի, այնինչ տարիներ շարունակ շեշտել են, թե «միջանցք» ասողները ադրբեջանական թեզեր են տարածում։