«Ինչո՞ւ է եկեղեցու վրա հարձակումը տեղի ունենում հենց այս պահին»․ «ՀայաՔվե»

«ՀայաՔվե»-ի թելեգրամյան գրառումը․ «Պարագլխի և նրա քաղաքացիական զուգընկերուհի Աննա Հակոբյանի հրապարակային, սադրիչ, գռեհիկ և զրպարտչական հայտարարությունները ծանր հարված են Հայաստանի միջազգային հեղինակությանը։

•Տվյալներ կան, որ Հայաստանում հավատարմագրված օտարերկրյա դիվանագետները, հատկապես արևմտյան երկրներից, առաջին օրերին շոկի մեջ էին պարագլխի հակասահմանադրական վարքագծից և գյադայական կեցվածքից։

Այդ վարքագիծը ողջ աշխարհի համար ամրագրել է մի ճշմարտություն, որը վաղուց արդեն հայտնի էր բազմաթիվ արտասահմանյան կառավարություններին. Հայաստանի այսպես կոչված «հեղափոխական» իշխանությունը բաղկացած է ցածրաճաշակ և հոգեբանական շեղումներ ունեցող խուժաններից:

Ինչո՞ւ է եկեղեցու վրա հարձակումը տեղի ունենում հենց այս պահին։ Լիովին ակնհայտ է, որ այն որևէ իրական կամ արդարացված պատճառ չունի: Թեև Եկեղեցու քննադատությունը պարագլխի և նրա քաղաքականության վերաբերյալ վաղուց հայտնի է, սակայն հարձակմանը նախորդած ամիսների ընթացքում Եկեղեցու որևէ ներկայացուցչի կողմից պարագլխի հասցեին ոչ մի արտառոց և վիրավորական արտահայտություն չէր հնչել»։