«Նիկոլ Փաշինյանի պլանը Վարդավառի օրը Վեհարանում հեղաշրջում անելն է»․ Լևոն Զուրաբյան

«Նիկոլ Փաշինյանի ֆեյսբուքյան ստատուսներում առկա աստիճանաբար ավելացող էսկալացիան մի բանի մասին են խոսում՝ մի ստորագույն ու կեղտոտ քայլ նախապատրաստում է»,- 168-ի եթերում, անդրադառնալով հակաեկեղեցական արշավին, ասաց ՀԱԿ փոխնախագահ Լևոն Զուրաբյանը։ «Փաշինյանի պլանը Վարդավառի օրը Վեհարանում հեղաշրջում անելն է։ Սա իմ կանխատեսումն է։ Նրա բորբոքված ուղեղը սա է նախապատրաստում, որովհետև դա կլինի իսկական Նիկոլը։ Նա կփորձի սրբապղծությունը կատարել Տաղավար տոներից ամենակարևորներից մեկի ժամանակ։ Սա իր ոճն է՝ սրբապղծություն՝ սաղմոսի հնչյունի տակ»,- ասում է Զուրաբյանը՝ հավելելով, որ Փաշինյանը շատ լավ հասկանում է, որ Եկեղեցու աջակիցներն ավելի շատ են, ու իր այդ քայլերը բերելու են քաղաքացիական բախման։ «Առաջին անգամ ենք տեսնում, որ երկրում իրավիճակն ապակայունացնողը ոչ թե ընդդիմությունը, այլ իշխանությունը լինի»,- ասաց Զուրաբյանը։