«Թող տեղ հատկացնեն, աշխատենք»․ վարորդների բողոքի ակցիան՝ ուղիղ միացմամբ

«Քաղքապետարանը որոշում է կայացրել և արգելող նշաններ է տեղադրել՝ սկսած հյուսիսային պողոտա-Աբովյան խաչմերուկից, մինչև Հանրապետության հրապարակ՝ արգելելով մեքենաների կայանումը։ Այդկերպ խոչընդոտում են մեր աշխատանքին»,- ասում է զբոսաշրջային մեքենայի վարորդը, ով իր գործընկերների հետ բողոքի ակցիա է իրականացնում Հանրապետության հրապարակում։ Նրանց կանգառն այլևս արգելվել է վերոնշյալ տարածքներում։ «Արգելել են նաև փողոցի վրայի «կարմանչիկում» կայանելը։ Փորձել ենք հասկանալ, թե որտեղ պետք է աշխատենք։ Մեզ չեն ուզում լսեն, մենք էլ եկել կանգնել ենք մեր նախկին տեղը՝ Հրապարակում, էստեղ ոչ մի երթևեկության չենք խոչընդոտում։ Սա մեր աշախատանքային տեղն է»,- ասում է վարորդը։ Նրանց խոսքով, խոչընդոտելով իրենց աշխատանքին, խոչընդոտում են զբոսաշրջության զարգացմանը։ Վարորդները պահանջում են իրենց աշխատանքի համար տեղ հատկացնել։